Mussa Diabi «Inter» yoki «Bayer»ga o‘tishi mumkin.

Ushbu klublar «Al-Ittihod» yarim himoyachisining transferi uchun 20 million yevrolik taklif yuborishdi, deb xabar beradi Foot Mercato jurnalisti Santi Auna. Tomonlar o‘rtasidagi muzokaralar davom etmoqda.

Ta’kidlanishicha, «Sanderlend» fransuzining transferi bo‘yicha allaqachon kelishib olgan edi, ammo Angliyada ishlash uchun ruxsatnoma olishdagi muammolar sababli kelishuv amalga oshmay qoldi. Vaziyatni, shuningdek, «Benfika» ham kuzatib bormoqda.

Saudiya Arabistoni chempionatining o‘tgan mavsumida Diabi 31 ta o‘yinda maydonga tushib, 4 ta gol urgan va 7 ta golli uzatmani amalga oshirgan.