Мусса Диаби «Интер» ёки «Байер»га ўтиши мумкин.

Ушбу клублар «Ал-Иттиҳод» ярим ҳимоячисининг трансфери учун 20 миллион евролик таклиф юборишди, деб хабар беради Foot Mercato журналисти Санти Ауна. Томонлар ўртасидаги музокаралар давом этмоқда.

Таъкидланишича, «Сандерленд» французининг трансфери бўйича аллақачон келишиб олган эди, аммо Англияда ишлаш учун рухсатнома олишдаги муаммолар сабабли келишув амалга ошмай қолди. Вазиятни, шунингдек, «Бенфика» ҳам кузатиб бормоқда.

Саудия Арабистони чемпионатининг ўтган мавсумида Диаби 31 та ўйинда майдонга тушиб, 4 та гол урган ва 7 та голли узатмани амалга оширган.