Hujumchi Vinisius Junior shartnomasini uzaytirib, «Real»da qolishi mumkin. The Athletic sahifalarida yangi maqola chop etildi, unda braziliyalik futbolchi muzokaralar jarayonida Madrid klubiga qo‘ygan talablarini kamaytirishga tayyorligi ta’kidlanmoqda.
Asosiy g‘ov bo‘lib turgan masala — futbolchining shartnomani uzaytirganligi uchun bonus talab qilayotganidir. «Real» esa bu qadam boshqa futbolchilar orasida ham zanjirli reaksiya chaqirishidan xavfsirab, ushbu bonusni to‘lashga tayyor ekanini bildirmagan.
Vinisius Junior «Real» tarkibida 375 ta rasmiy o‘yinda maydonga tushib, o‘z hisobiga 128 ta gol va sheriklariga 100 ta golli uzatmani yozdirib qo‘ygan.
