Ҳужумчи Винисиус Жуниор шартномасини узайтириб, «Реал»да қолиши мумкин. The Athletic саҳифаларида янги мақола чоп этилди, унда бразилиялик футболчи музокаралар жараёнида Мадрид клубига қўйган талабларини камайтиришга тайёрлиги таъкидланмоқда.

Асосий ғов бўлиб турган масала — футболчининг шартномани узайтирганлиги учун бонус талаб қилаётганидир. «Реал» эса бу қадам бошқа футболчилар орасида ҳам занжирли реакция чақиришидан хавфсираб, ушбу бонусни тўлашга тайёр эканини билдирмаган.

Винисиус Жуниор «Реал» таркибида 375 та расмий ўйинда майдонга тушиб, ўз ҳисобига 128 та гол ва шерикларига 100 та голли узатмани ёздириб қўйган.