«Yuventus» Randal Kolo Muanining transferini yakunlaganiga qaramay, «Atletiko Madrid» hujumchisi Aleksandr Syorlotni o‘z safiga qo‘shib olish niyatidan voz kechgani yo‘q.

Tuttosport nashrining xabariga ko‘ra, bosh murabbiy Luchano Spalletti Norvegiya terma jamoasi a’zosining ashaddiy muxlisi bo‘lib qolmoqda va o‘z rejalarini tushuntirish uchun hujumchining o‘zi bilan shaxsan gaplashgan. Klub rahbariyatidagi o‘zgarishlar muzokaralarni sekinlashtirishidan oldin «Yuventus» va «Atletiko» o‘rtasida muhokamalar boshlanib bo‘lgan edi, shuningdek, Ispaniya klubining futbolchini 40 million yevroga baholagani ham ehtimoliy bitimni murakkablashtirdi.

Xabarda qo‘shimcha qilinishicha, «Atletiko Madrid»ga qaytishni juda xohlayotgan Niko Gonsales orqali muzokaralar qayta boshlangan. Xabarlarga ko‘ra, «Yuventus» argentinalik futbolchi uchun kamida 30 million yevro talab qilmoqda, ammo «Atletiko» Serlotni Turinga pullik ijaraga yuborishga rozi bo‘lsa, o‘zaro kelishuvga erishilishi mumkin.

Syorlotning o‘zi Spalletti qo‘l ostida o‘ynashga qiziqish bildirayotgani, «Atletiko» esa Gonsales bo‘yicha bitimni o‘rganishda davom etayotgani aytilmoqda. Endilikda har ikkala klub sport va moliyaviy maqsadlarni qanoatlantiradigan formulani izlamoqda.