Xabi Alonso Mixail Mudrik chorshanba kuni bo‘lib o‘tadigan «Yuventus»ga qarshi o‘rtoqlik o‘yinida «Chelsi» safida maydonga tushishi mumkinligini ma’lum qildi.

Biroq, vinger 18 oydan ortiq davom etgan tanaffusdan so‘ng yaqindagina «ko‘klar» safiga qo‘shilgani sababli, uning jismoniy holati ehtiyotkorlik bilan nazorat qilinishi kerak.

«U aeroportdan to‘g‘ri mehmonxonaga keldi», — dedi Alonso matbuot anjumanida.

«Kecha jismoniy tayyorgarlik darajasini baholashdan ko‘ra, tuyg‘ular va emosiyalarga ko‘proq e’tibor qaratildi. Ammo ha, u o‘ynashi mumkin. 90 daqiqa hali juda barvaqt. U qaydnomaga kiritilishi va maydonga tushishi mumkin.

U uzoq vaqt davomida yakka tartibda mashg‘ulot o‘tkazdi. Bu boshqacha — u endi jamoadoshlari bilan muloqotda bo‘lishi kerak. U juda professional. Endi gap bosqichma-bosqich o‘sishda qoldi.

Mishaning safimizda ekanidan juda xursandmiz. Uning qaytganidan xursandligi va yuzidagi tabassumini ko‘rish mumkin edi. Jismoniy holatini esa ko‘ramiz. U qattiq mehnat qildi. Endi esa jamoadoshlari bilan birga harakat qilish vaqti keldi».