«Chelsi» yarim himoyachisi Moyses Kaysedo jamoadoshi Enso Fernandesning klubda qolishini xohlashini aytdi. Ekvadorlik futbolchi argentinalik jamoadoshiga yuqori baho berib, uni jamoa uchun muhim o‘yinchi deb atadi.
«Men Ensoni yaxshi ko‘raman va uni juda hurmat qilaman. Uning qolishini xohlayman, ammo bu haqda gapirmayman... Agar u qolsa, bu jamoa uchun juda katta yordam bo‘ladi», dedi futbolchi.
Avvalroq OAVda Enso Fernandesga «Manchester Siti» va «Atletiko» tomonidan qiziqish borligi haqida xabar berilgan edi. 25 yoshli argentinalik futbolchining «Chelsi» bilan amaldagi shartnomasi 2032 yilgacha mo‘ljallangan.
