«Челси» ярим ҳимоячиси Мойсес Кайседо жамоадоши Энцо Фернандеснинг клубда қолишини хоҳлашини айтди. Эквадорлик футболчи аргентиналик жамоадошига юқори баҳо бериб, уни жамоа учун муҳим ўйинчи деб атади.
«Мен Энцони яхши кўраман ва уни жуда ҳурмат қиламан. Унинг қолишини хоҳлайман, аммо бу ҳақда гапирмайман... Агар у қолса, бу жамоа учун жуда катта ёрдам бўлади», деди футболчи.
Аввалроқ ОАВда Энцо Фернандесга «Манчестер Сити» ва «Атлетико» томонидан қизиқиш борлиги ҳақида хабар берилган эди. 25 ёшли аргентиналик футболчининг «Челси» билан амалдаги шартномаси 2032 йилгача мўлжалланган.
