Niderlandiya terma jamoasining sobiq bosh murabbiyi Lui van Gal milliy termaga qaytish ehtimoli haqida fikr bildirdi.

«Men hamisha KNVB’ga (Niderlandiya qirollik futbol ittifoqi) hamda «Ayaks»ga yordam berishni xohlayman. Va shunday tarkib bilan, albatta, imkoniyatlar bor. Shuningdek, Niderlandiya terma jamoasi potensial ravishda Yevropa yoki jahon chempioni bo‘lishi mumkin, deb o‘ylayman, chunki tarkibning 95 foizi chet elda va aksariyat hollarda yaxshi klublarda o‘ynaydi.

Ular hozir hech kimni topa olishmayapti, keyin esa yana mening nomim yuzaga chiqmoqda. Qaysidir ma’noda bu aqlga sig‘maydigan holat.

To‘rt yil oldin Qatardagi Jahon chempionatida biz chorak finalda penaltilar seriyasida yutqazgandik va ular bizning futbolimizni yetarlicha yaxshi emas deb hisoblashgan edi. Endi esa o‘sha odamlar meni ideal nomzod sifatida ko‘rishyaptimi? Har holda, KNVB nima xohlayotganini umuman bilmayman, men allaqachon uch marta milliy terma jamoa murabbiyi bo‘lganman, shuning uchun agar qachondir yana murabbiylikka qaytsam, bu gollandlar yurtida bo‘lmasa kerak. Toki, men bilan nima bo‘lishini hech qachon aniq bilib bo‘lmaydi. Hozir o‘zimni to‘rt yil oldingiga qaraganda yaxshiroq sport formasida his qilyapman», dedi murabbiy.