Osiyo futbol konfederasiyasida (OFK) Janni Infantinoni 2027 yil mart oyida bo‘lib o‘tadigan FIFA prezidenti saylovida qayta saylash masalasida yagona fikr shakllanmagan.
The Guardian nashrining xabar berishicha, OFK avvalroq FIFAning Jahon chempionati huquqlarining bir qismini xususiy investorlarga sotish rejasiga qarshi chiqqan bo‘lsa-da, ayrim mamlakatlar Infantino nomzodini qo‘llab-quvvatlashini bildirgan.
Ular qatorida Qatar, Birlashgan Arab Amirliklari, Shri-Lanka, Livan, Quvayt va Butan bor.
OFKning ko‘plab a’zolari, jumladan Saudiya Arabistoni esa bu masala yuzasidan hozircha o‘z pozisiyasini ochiqlamagan. Xabarga ko‘ra, UYEFA ushbu mamlakatlarning qo‘llab-quvvatloviga erishishga umid qilmoqda.
Shuningdek, tarkibiga 11 ta milliy futbol assosiasiyasi kiruvchi Okeaniya futbol konfederasiyasi ham hozircha Infantinoga nisbatan umumiy qarorga kelmagan.
Yangi Zelandiya futbol assosiasiyasi vakili Endryu Pragnell Okeaniya mamlakatlarini ushbu masalada yagona pozisiyani egallashga chaqirdi.
