"Arsenal" kiyinish xonasi klub Vinisius Junior bilan shartnoma imzolay olishiga ishonadi.

AS nashrining xabar berishicha, "Arsenal" sport direktori Andrea Berta klubdagi ko‘plab odamlarga, jumladan, futbolchilarga ham ushbu kelishuvga bo‘lgan ishonchini bildirgan. Bosh murabbiy Mikel Arteta Vinisiusga o‘z loyihasida u uchun qanday rol o‘ynashini tushuntirib bergan va braziliyalik futbolchi "Real Madrid"ni tark etsa, "Arsenal"ni mos variant deb biladi. Madrid klubi allaqachon "Arsenal"ning Vinisiusga qiziqishidan xabardor.

Ta’kidlanishicha, "Real Madrid" rahbariyati Vinisius bilan shartnomani faqat o‘z shartlari bilan uzaytirishga tayyor - qanot himoyachisiga hech bir futbolchi klub manfaatlaridan ustun emasligi aniq aytilgan. Avvalroq, braziliyalik futbolchiga yiliga 22 million yevro maosh bilan shartnoma taklif qilingani, ammo Vinisius 30 million, shuningdek, 100% imidj huquqlari va Kilian Mbappe kabi shartnoma bonusini xohlayotgani haqida xabar berilgan edi.