"Арсенал" кийиниш хонаси клуб Винисиус Жуниор билан шартнома имзолай олишига ишонади.
AS нашрининг хабар беришича, "Арсенал" спорт директори Андреа Берта клубдаги кўплаб одамларга, жумладан, футболчиларга ҳам ушбу келишувга бўлган ишончини билдирган. Бош мураббий Микель Артета Винисиусга ўз лойиҳасида у учун қандай роль ўйнашини тушунтириб берган ва бразилиялик футболчи "Реал Мадрид"ни тарк этса, "Арсенал"ни мос вариант деб билади. Мадрид клуби аллақачон "Арсенал"нинг Винисиусга қизиқишидан хабардор.
Таъкидланишича, "Реал Мадрид" раҳбарияти Винисиус билан шартномани фақат ўз шартлари билан узайтиришга тайёр - қанот ҳимоячисига ҳеч бир футболчи клуб манфаатларидан устун эмаслиги аниқ айтилган. Аввалроқ, бразилиялик футболчига йилига 22 миллион евро маош билан шартнома таклиф қилингани, аммо Винисиус 30 миллион, шунингдек, 100% имидж ҳуқуқлари ва Килиан Мбаппе каби шартнома бонусини хоҳлаётгани ҳақида хабар берилган эди.
