Vinger Mixail Mudrik «Yuventus»ga qarshi o‘rtoqlik o‘yinida ishtirok etdi. Ukrainalik futbolchi zaxiradan maydonga tushib, 12 daqiqa atrofida harakat qildi. Mudrik doping sababli qo‘yilgan diskvalifikasiya olib tashlangach, bir necha kun oldin mashg‘ulotlarni qayta boshlagan edi.
Mudrik oxirgi marta «Chelsi» safida 2024 yil 28 noyabrda — Konferensiyalar ligasi doirasidagi «Xaydenxaym»ga qarshi o‘yinda maydonga tushgandi. O‘shanda ukrainalik futbolchi gol urib, «pensionerlar»ning safarda 2:0 hisobida g‘alaba qozonishiga yordam bergan edi.
Demak, Mixail Mudrik oxirgi marta «Chelsi» safida 615 kun oldin to‘p surgan bo‘lib chiqmoqda.
Eslatib o‘tamiz, «Chelsi» Mudrikdan diskvalifikasiya olib tashlanganini iyul oyining oxirgi kunida e’lon qilgan edi.
