«Manchester Siti» himoyachisi Ruben Diash sobiq sardor Bernardu Silvani o‘zi bilan bir maydonda to‘p surgan futbolchilar orasida eng munosib baholanmagan (past baho berilgan) o‘yinchi deb hisoblaydi.

Bernardu 2017 yilda klubga kelib qo‘shilganidan so‘ng «Siti» safida to‘qqiz mavsum o‘tkazdi va misli ko‘rilmagan muvaffaqiyatlar davrida Pep Gvardiolaning eng ishonchli futbolchilaridan biriga aylandi. Portugaliyalik yarim himoyachi Gvardiola qo‘l ostida boshqa har qanday futbolchidan ko‘ra ko‘proq o‘yinda maydonga tushdi hamda yarim himoyadan tortib qanotgacha bo‘lgan turli pozisiyalarda muhim rol o‘ynadi.

Bernardu klub ichida juda yuqori baholangan bo‘lsa-da, Diashning fikricha, uning ta’siri «Manchester Siti»dan tashqaridagilar tomonidan har doim ham to‘liq e’tirof etilmagan.

O‘zi bilan birga o‘ynagan eng munosib baholanmagan futbolchini aytish so‘ralganda, Diash shunday dedi: «Bernarduni aytish adolatdan bo‘ladi deb o‘ylayman.

Hozirda u erishgan barcha narsalar to‘liq anglab yetilgan va u klubda to‘qqiz yil o‘tkazib, endigina jamoani tark etgan bo‘lsa-da, ayniqsa o‘tgan mavsumda ko‘pchilik: «Oh, u aslida shuncha ishni amalga oshirgan ekan-a», deyayotganini his qildim. Bungacha esa shunchaki: «Eh, Bernardu-da», deyishardi.

Odamlar uning muvaffaqiyatimizga qanchalik chuqur ta’sir ko‘rsatganini bilmagandek tuyuladi, shuning uchun ma’lum ma’noda va uzoq vaqt davomida u adolatsiz ravishda past baholangan deb aytish to‘g‘ri bo‘ladi».