"Arsenal" yarim himoyachisi Martin Subimendi "Chelsi" radariga tushdi. 27 yoshli futbolchining transferiga "ko‘klar" ustozi Xabi Alonsoning shaxsan o‘zi qiziqish bildirmoqda, deb xabar beradi Transfer News Live jurnalist Saymon Fillipsga tayanib. Ispaniyalik mutaxassis o‘z vatandoshini jamoaga olib kelishni xohlashi haqida klub rahbariyatini allaqachon xabardor qilgan, ammo ayni damda bu bitimning amalga oshish ehtimoli past.
Martin Subimendi o‘tgan yili yozda "Real Sosyedad"dan 65 million yevro evaziga "Arsenal"ga o‘tgan edi. Yarim himoyachi o‘tgan mavsumda "kanonirlar"ga Premyer-liga chempionligini qo‘lga kiritishda yordam berdi. Futbolchining amaldagi shartnomasi 2030 yilgacha mo‘ljallangan.
