"Арсенал" ярим ҳимоячиси Мартин Субименди "Челси" радарига тушди. 27 ёшли футболчининг трансферига "кўклар" устози Хаби Алонсонинг шахсан ўзи қизиқиш билдирмоқда, деб хабар беради Transfer News Live журналист Саймон Филлипсга таяниб. Испаниялик мутахассис ўз ватандошини жамоага олиб келишни хоҳлаши ҳақида клуб раҳбариятини аллақачон хабардор қилган, аммо айни дамда бу битимнинг амалга ошиш эҳтимоли паст.

Мартин Субименди ўтган йили ёзда "Реал Сосьедад"дан 65 миллион евро эвазига "Арсенал"га ўтган эди. Ярим ҳимоячи ўтган мавсумда "канонирлар"га Премьер-лига чемпионлигини қўлга киритишда ёрдам берди. Футболчининг амалдаги шартномаси 2030 йилгача мўлжалланган.