Kikbokschi Riko Verxoven boks qoidalari bo‘yicha o‘tkazilgan jangda Aleksandr Usikdan uchragan mag‘lubiyati haqida gapirib o‘tdi.
«Jang to‘xtatilganida, men va mening burchagim bunga shunchaki ishona olmadik. Birinchi xayolga kelgan fikr — darhol revansh talab qilish bo‘ldi. Usik ikkimizning o‘rtamizda, shubhasiz, hal bo‘lmagan masalalar qoldi», — dedi Verxoven.
Verxoven va Usik o‘rtasidagi jang may oyida bo‘lib o‘tgan edi. Usik texnik nokaut bilan g‘alaba qozongan — referi bahsni 11-raundda to‘xtatgan edi.
