«Chelsi» himoyachisi Aksel Disasi «Kristal Pelas»ga ijaraga o‘tishga yaqin turibdi.
Tomonlar o‘rtasidagi kelishuv, shuningdek, muayyan shartlar bajarilgan taqdirda majburiy tus oluvchi sotib olish opsiyasini ham o‘z ichiga oladi.
O‘tgan mavsumning ikkinchi yarmida Disasi ijara huquqi asosida «Vest Xem»da o‘ynagan edi (17 ta o‘yin va bitta gol). Undan oldingi — 2024/25 yilgi mavsumda esa fransuzistonlik markaziy himoyachi «Aston Villa»da ijarada to‘p surgan.
«Kristal Pelas» APLning o‘tgan mavsumini 15-o‘rinda yakunladi. «Burgutlar» Konferensiyalar Ligasida g‘olib chiqishdi va keyingi mavsumda Yevropa Ligasining asosiy bosqichida ishtirok etishadi.
Angliya chempionatining yangi mavsumi birinchi turida Pyer Saj jamoasi 22 avgust kuni «Everton»ga qarshi maydonga tushadi.
