PSV «Yuventus»ning sobiq yarim himoyachisi Filip Kostich bilan shartnoma imzolaganini rasman e’lon qildi.

33 yoshli serbiyalik futbolchi Eyndxoven klubi bilan ikki mavsumga mo‘ljallangan shartnoma tuzdi va 18-raqam ostida to‘p suradi.

«PSV men bilan bog‘langanida, aynan shu yerga o‘tishni xohlayotganimni darhol angladim. Ushbu o‘tishdan juda xursandman. Peter Bosh bilan suhbatdan so‘ng uning futbol g‘oyalari menga mos kelishiga va nihoyat ishonch hosil qildim. Ivan Perishich esa tinmay: «Kel, bu yer sanga yoqadi. Birgalikda barcha raqiblarga muammo tug‘diramiz», — deb aytardi», — PSV matbuot xizmati Kostichning so‘zlarini keltiradi.

Serbiyalik futbolchi faoliyati davomida «Radnichki 1923», «Groningen», «Shtutgart», «Gamburg», «Ayntraxt», «Yuventus» va «Fenerbaxche» klublarida to‘p surgan.