«Arsenal» Kristian Romeroning transferi uchun «Atletiko» va «Inter» o‘rtasidagi kurashga qo‘shildi, deb xabar beradi The Athletic.

Manbaga ko‘ra, «Tottenxem» «kanonirlar»ning o‘z himoyachisiga bo‘lgan qiziqishidan bexabar va o‘zining Shimoliy London derbisidagi azaliy raqibiga futbolchini sotishdan umuman manfaatdor emas. Shu sababli uning «Arsenal»ga o‘tish ehtimoli juda past baholanmoqda.

Shu bilan birga, «Inter» Romero transferi bo‘yicha «Tottenxem» bilan 40 million yevro evaziga og‘zaki kelishuvga erishgan, ammo argentinalik futbolchining o‘zi bilan hali muzokaralarni yakunlamagan.

O‘tgan APL mavsumida Kristian 23 ta o‘yinda maydonga tushib, 4 ta gol urgan va 1 ta golli uzatmani amalga oshirgan.