«Арсенал» Кристиан Ромеронинг трансфери учун «Атлетико» ва «Интер» ўртасидаги курашга қўшилди, деб хабар беради The Athletic.

Манбага кўра, «Тоттенхэм» «канонирлар»нинг ўз ҳимоячисига бўлган қизиқишидан бехабар ва ўзининг Шимолий Лондон дербисидаги азалий рақибига футболчини сотишдан умуман манфаатдор эмас. Шу сабабли унинг «Арсенал»га ўтиш эҳтимоли жуда паст баҳоланмоқда.

Шу билан бирга, «Интер» Ромеро трансфери бўйича «Тоттенхэм» билан 40 миллион евро эвазига оғзаки келишувга эришган, аммо аргентиналик футболчининг ўзи билан ҳали музокараларни якунламаган.

Ўтган АПЛ мавсумида Кристиан 23 та ўйинда майдонга тушиб, 4 та гол урган ва 1 та голли узатмани амалга оширган.