Londonning «Arsenal» klubi «Barselona»ning 26 yoshli hujumchisi Ferran Torres atrofidagi vaziyatni diqqat bilan kuzatib bormoqda.

CaughtOffside xabariga ko‘ra, londonliklar Vinisius Juniorning «Real Madrid»da qolish va shartnomasini uzaytirish haqidagi qaroridan so‘ng, diqqat-e’tiborni kataloniyaliklar hujumchisiga qaratgan.

Torresning «Barselona» bilan amaldagi shartnomasi yakunlanishiga oz vaqt qolgan, ammo yangi bitim bo‘yicha muzokaralar to‘xtab qolgan. Bundan tashqari, moliyaviy majburiyatlar sababli kataloniyaliklar ispaniyalik futbolchini taxminan 45–50 million yevro evaziga sotib yuborishga qarshi emas.

Hozirda kurashda Fransiyaning «PSJ» klubi favorit sifatida e’tirof etilmoqda. Parij klubi bosh murabbiyi Luis Enrike futbolchi bilan shaxsan bog‘lanib, uni o‘z loyihasiga taklif qilgan va Torresning «PSJ»ga o‘tishga rozilik bergani aytilmoqda.