Yaqin kunlarda Qozog‘iston terma jamoasi bosh murabbiyi sifatida shartnoma imzolashi kutilayotgan niderlandiyalik mutaxassis Djon van't Sxip yaqinda Londonning «Chelsi» klubi o‘yinchisiga aylangan milliy terma jamoaning 17 yoshli hujumchisi Dastan Satpayev haqida o‘z fikrlarini bildirib o‘tdi.
«Albatta, men u haqda eshitganman. Bu «Chelsi»ga o‘tgan juda yosh va iqtidorli o‘yinchi. Hozircha konkret ismlarga to‘xtalmoqchi emasman — avval aytganimdek, barcha nomzodlarni atroflicha o‘rganib chiqqanimizdan so‘ng, yaqin kunlar va haftalarda buni murabbiylar shtabi bilan muhokama qilamiz. Imkon qadar futbolchilar bilan shaxsan muloqot qilishga harakat qilaman.
Ammo, o‘z-o‘zidan ma’lumki, Satpayev yosh va iqtidorli o‘yinchi ekanini bilaman. U «Chelsi»da ko‘p o‘yin amaliyotiga ega bo‘lishiga va milliy terma jamoaga foyda keltirishiga umid qilaman», — dedi Sxip ASnews.kz nashriga.
