Яқин кунларда Қозоғистон терма жамоаси бош мураббийи сифатида шартнома имзолаши кутилаётган нидерландиялик мутахассис Джон ван'т Схип яқинда Лондоннинг «Челси» клуби ўйинчисига айланган миллий терма жамоанинг 17 ёшли ҳужумчиси Дастан Сатпаев ҳақида ўз фикрларини билдириб ўтди.
«Албатта, мен у ҳақда эшитганман. Бу «Челси»га ўтган жуда ёш ва иқтидорли ўйинчи. Ҳозирча конкрет исмларга тўхталмоқчи эмасман — аввал айтганимдек, барча номзодларни атрофлича ўрганиб чиққанимиздан сўнг, яқин кунлар ва ҳафталарда буни мураббийлар штаби билан муҳокама қиламиз. Имкон қадар футболчилар билан шахсан мулоқот қилишга ҳаракат қиламан.
Аммо, ўз-ўзидан маълумки, Сатпаев ёш ва иқтидорли ўйинчи эканини биламан. У «Челси»да кўп ўйин амалиётига эга бўлишига ва миллий терма жамоага фойда келтиришига умид қиламан», — деди Схип ASnews.kz нашрига.
