La Liga prezidenti Xavyer Tebas «Real» hujumchisi Kilian Mbappening darajasini yuqori baholadi.
«Bizga kuchli «Real Madrid» kerak, ularda hamisha ajoyib futbolchilar bo‘lgan. Ular ligamizning suyanchi, qolaversa, boshqalar uchun namuna hisoblanadi, ammo La Liga keskin kurash kechadigan chempionat bo‘lib qolmoqda.
Ishonchim komilki, chempionatni ketma-ket bir oila yoki bir jamoa yutishi mumkin, ammo agar chempion atigi 85–90 ochko to‘plasa, bu raqobat juda yuqori ekanidan dalolat beradi.
Mbappe — dunyoning eng yaxshi uchta futbolchisidan biri, sport formasida bo‘lganida esa u dunyoning eng yaxshi o‘yinchisiga aylanadi. Uning «Real»da o‘ynayotgani biz uchun katta faxr va u ligamizga qanchalik katta hissa qo‘shayotganiga hech kimda shubha yo‘q», — dedi Tebas.
