Ла Лига президенти Хавьер Тебас «Реал» ҳужумчиси Килиан Мбаппенинг даражасини юқори баҳолади.

«Бизга кучли «Реал Мадрид» керак, уларда ҳамиша ажойиб футболчилар бўлган. Улар лигамизнинг суянчи, қолаверса, бошқалар учун намуна ҳисобланади, аммо Ла Лига кескин кураш кечадиган чемпионат бўлиб қолмоқда.

Ишончим комилки, чемпионатни кетма-кет бир оила ёки бир жамоа ютиши мумкин, аммо агар чемпион атиги 85–90 очко тўпласа, бу рақобат жуда юқори эканидан далолат беради.

Мбаппе — дунёнинг энг яхши учта футболчисидан бири, спорт формасида бўлганида эса у дунёнинг энг яхши ўйинчисига айланади. Унинг «Реал»да ўйнаётгани биз учун катта фахр ва у лигамизга қанчалик катта ҳисса қўшаётганига ҳеч кимда шубҳа йўқ», — деди Тебас.