«Manchester Siti» Fransiyaning «Lill» klubi bilan Marokash terma jamoasi yarim himoyachisi, 18 yoshli Ayyub Buaddining transferi bo‘yicha prinsipial kelishuvga erishdi.
Insayder Devid Ornshteynning X ijtimoiy tarmog‘ida xabar berishicha, klublar futbolchining transferi bo‘yicha 129 million yevro miqdorida kelishib olgan. Yana 6 million yevro bonuslar sifatida shartnomaga kiritiladi.
Manbaga ko‘ra, Buaddining o‘zi ham «Manchester Siti»ga o‘tishdan manfaatdor va transfer jarayoni yakuniy bosqichga kirgan. Avvalroq futbolchi bilan besh yillik shartnoma bo‘yicha kelishuvga erishilgani xabar qilingan edi.
O‘tgan mavsumda Buaddi klub miqyosida barcha musobaqalarda 42 ta uchrashuvda ishtirok etib, 1 ta golli uzatmani amalga oshirdi.
Futbolchining «Lill» bilan amaldagi shartnomasi 2029 yilning yoziga qadar mo‘ljallangan.
