«Ayaks» «Napoli» vingeri Noa Langga jiddiy qiziqish bildirmoqda.
Amsterdamliklar hozircha rasmiy taklif bilan chiqishgani yo‘q, ammo muzokaralarga tayyorgarlik ko‘rishmoqda. «Napoli» 27 yoshli futbolchining transferidan 25-30 million yevro ishlab olmoqchi.
Lang — «Ayaks» tarbiyalanuvchisi bo‘lib, faoliyati davomida «Tvente», «Bryugge» va «PSV» klublarida ham to‘p surgan. O‘tgan yozda vinger 25 million yevro evaziga «Napoli»ga o‘tgan edi. Noa o‘tgan mavsumning bir qismini ijara asosida «Galatasaray»da o‘tkazdi.
«Ayaks» o‘tgan mavsumda Niderlandiya chempionatida beshinchi o‘rinni egalladi, ammo undan keyingi pley-off o‘yinlari orqali Konferensiyalar Ligasi saralashiga yo‘llanmani qo‘lga kiritdi. Iyun oyi boshida «Jirona»ning sobiq ustozi Michel amsterdamliklar bosh murabbiyi etib rasman tayinlangan edi. «Ayaks» Eredivizining yangi mavsumini 9 avgust kuni «Zvolle»ga qarshi o‘yin bilan boshlaydi.
