«Braga»dan 30 million yevro evaziga o‘tgan «Nyukasl» darvozaboni Lukash Gornichek Nik Poup bilan asosiy tarkibdagi o‘rin uchun kurashmoqchi ekanini aytdi. Chexiyalik posbon raqobatdan qo‘rqmaydi va o‘z salohiyatini isbotlashga tayyor.
«100 foiz birinchi raqamli darvozabon bo‘lishni xohlayman. Men o‘zimni ko‘p tomonlama shakllangan darvozabon deb hisoblayman. O‘yinni yaxshi o‘qiyman, darvozadan chiqib o‘ynayman va to‘pni egallashda faolman. Oldinda uzoq yo‘l turganini bilaman, chunki jamoamizda kuchli darvozabonlar ko‘p. Biz bir-birimizni mahoratning eng yuqori darajasi sari undab turmoqdamiz», dedi darzozabon.
Shuningdek, Gornichek «Nyukasl»ga o‘tish u uchun katta qadam bo‘lganini ta’kidladi.
