«PSJ» bosh murabbiyi Luis Enrike «Manchester Yunayted»ga qarshi kechgan va 1:1 hisobidagi durang bilan yakunlangan o‘rtoqlik uchrashuvi natijasi haqida fikr bildirdi.
«Biz ayrim yaxshi jihatlarni ko‘rdik — o‘yinni juda ajoyib boshladik. Keyinchalik ba’zi xatolarga yo‘l qo‘ydik, bu esa mavsumning ushbu bosqichi uchun tabiiy hol. Ijobiy tomoni shundaki, futbolchilardan hech kim jarohat olmadi, kelasi dushanba kuni esa safimizga yana bir nechta o‘yinchilar qaytishadi.
Endi Superkubok finali haqida o‘ylashni boshlashimiz kerak. Mavsumning bunchalik erta boshlanishi foydali: finalga qaysi futbolchilar maksimal darajada tayyor bo‘lishini tushunib olishimiz muhim. Lekin futbolchilar qaytayotganidan va yana hammamiz birga ekanimizdan xursandmiz — bu quvonarli hol», — dedi Luis Enrike Parij klubi rasmiy saytiga.
12 avgust kuni «PSJ» va «Aston Villa» o‘rtasida UYEFA Superkubogi uchun uchrashuv bo‘lib o‘tadi. O‘yin Avstriyaning Zalsburg shahridagi «Red Bull Arena» stadionida bo‘lib o‘tadi.
