«Manchester Yunayted» «Lester» yarim himoyachisi Lui Peyj transferi bo‘yicha muzokara olib bormoqda. Bu haqda BBC xabar berdi.

18 yoshli futbolchi Angliya Premyer-ligasidan tashqaridagi eng istiqbolli yosh futbolchilardan biri sifatida baholanmoqda. U o‘tgan mavsumda Angliya Futbol Ligasining yilning eng yaxshi yosh futbolchisi deb topilgan.

Peyj «Lester» asosiy jamoasi safida 21 ta uchrashuvda maydonga tushgan. O‘tgan mavsumda u jamoaning 5 ta o‘yinida asosiy tarkibdan joy oldi. Mavsum yakunida «Lester» Chempionshipni tark etib, quyi divizionga tushib ketdi.

Futbolchiga «Arsenal» va «Aston Villa» klublari ham qiziqish bildirmoqda. Peyjning bozor qiymati taxminan 4 mln yevro deb baholanmoqda.

Avvalroq «Lester»ning yana bir iqtidorli futbolchisi — 17 yoshli hujumchi Jeremi Monga jamoani tark etib, «Manchester Siti» safiga o‘tgan edi.