Yangi mavsumga tayyorgarlik doirasida o‘tkazilgan nazorat uchrashuvida Londonning «Arsenal» klubi Dortmundning «Borussiya» jamoasiga 2:3 hisobida mag‘lub bo‘ldi.

Uchrashuvda hisob 7-daqiqada ochildi. «Borussiya» hujumchisi Samuele Inasio nemis klubini oldinga olib chiqdi.

29-daqiqada Konstantinos Karesas mehmonlarning ikkinchi golini urdi.

Ikkinchi bo‘limda «Arsenal» hisobdagi farqni qisqartirdi. 54-daqiqada Itan Nvaneri londonliklarning birinchi goliga mualliflik qildi.

Oradan to‘rt daqiqa o‘tib, Joan Gadu «Borussiya»ning uchinchi golini kiritdi. 69-daqiqada «Arsenal» hujumchisi Viktor Dyokeresh hisobni 2:3 ko‘rinishiga keltirdi.

Qolgan daqiqalarda boshqa gol urilmadi va «Borussiya» Dortmund 3:2 hisobida g‘alaba qozondi.

«Arsenal» 16 avgust kuni Angliya Superkubogi uchun «Manchester Siti»ga qarshi maydonga tushadi.

«Borussiya» esa 22 avgust kuni Germaniya Superkubogi bahsida «Bavariya» bilan uchrashadi. Ushbu o‘yinda mavsumning birinchi sovrini sohibi aniqlanadi.