«Arsenal» bosh murabbiyi Mikel Arteta jamoa transfer oynasi yopilgunga qadar tarkibni kuchaytirish ustida ishlashda davom etishini ma’lum qildi.

Ispaniyalik murabbiy «Borussiya» Dortmundga qarshi 2:3 hisobidagi mag‘lubiyatdan keyin transfer siyosati haqida gapirdi.

«Biz aynan shu ishni amalga oshirishga harakat qilyapmiz. Agar bozorda bizga mos futbolchi bo‘lsa, uni qo‘lga kiritishni istaymiz», — dedi Arteta.

«Arsenal» 2026 yilgi yozgi transfer oynasida bir qator yangi futbolchilarni tarkibiga qo‘shib oldi.

Londonliklarning asosiy transferlaridan biri «Nyukasl»dan braziliyalik yarim himoyachi Brunu Gimaraynsning olib kelinishi bo‘ldi. Shuningdek, «Bryugge»dan grek vingeri Kristos Solis ham jamoa safiga qo‘shildi.

«Arsenal» «Bayer»dan ijaraga olingan Pyero Inkapyening transferini ham to‘liq rasmiylashtirdi. Darvozabonlar chizig‘i esa «Lids»dan Illan Meslye olib kelinishi hisobiga kuchaytirildi.

Shu tariqa «Arsenal» transfer oynasi yopilishiga qadar yana bir yoki bir nechta futbolchini tarkibiga qo‘shib olish imkoniyatini ko‘rib chiqmoqda.