"Aston Villa" chap qanot himoyachisi Matteo Rudjerining transferi bo‘yicha "Atletiko Madrid" bilan kelishuvga erishdi, deya xabar beradi insayder Fabrisio Romano.
24 yoshli italiyalik futbolchi ingliz klubiga 20 million yevro evaziga qo‘shiladi.
Matteo Rudjeri allaqachon transferga rozi bo‘lgan. Hozirda u Birmingem klubi bilan shaxsiy shartnomasi shartlari bo‘yicha muzokaralar olib bormoqda.
Xabar qilinishicha, tomonlar hali bir nechta yakuniy bosqichlarni bajarishlari kerak, shundan so‘ng kelishuv yakunlanishi mumkin.
Rudjeri 2025 yil iyul oyida "Atalanta"dan 17 million yevro evaziga "Atletiko Madrid"ga o‘tdi. Italiyalik himoyachining Ispaniya klubi bilan amaldagi shartnomasi 2030 yil 30 iyungacha amal qiladi.
O‘tgan mavsumda Matteo klub safida 47 ta o‘yinda yettita golli uzatmani amalga oshirdi.
