"Астон Вилла" чап қанот ҳимоячиси Маттео Руджерининг трансфери бўйича "Атлетико Мадрид" билан келишувга эришди, дея хабар беради инсайдер Фабрицио Романо.
24 ёшли италиялик футболчи инглиз клубига 20 миллион евро эвазига қўшилади.
Маттео Руджери аллақачон трансферга рози бўлган. Ҳозирда у Бирмингем клуби билан шахсий шартномаси шартлари бўйича музокаралар олиб бормоқда.
Хабар қилинишича, томонлар ҳали бир нечта якуний босқичларни бажаришлари керак, шундан сўнг келишув якунланиши мумкин.
Руджери 2025 йил июль ойида "Аталанта"дан 17 миллион евро эвазига "Атлетико Мадрид"га ўтди. Италиялик ҳимоячининг Испания клуби билан амалдаги шартномаси 2030 йил 30 июнгача амал қилади.
Ўтган мавсумда Маттео клуб сафида 47 та ўйинда еттита голли узатмани амалга оширди.
