"Arsenal" hujumchisi Gabriel Jezus yozgi transfer oynasida London klubini tark etishi ehtimoli yuqori.

Jurnalist Rayan Teylor xabar berishicha, "Napoli" 29 yoshli braziliyalik futbolchi uchun asosiy da’vogar hisoblanadi.

"Arsenal" 15 million funt sterlingdan (taxminan 17,5 million yevro) boshlanadigan takliflarni ko‘rib chiqishga tayyor. Avvalroq, London klubi futbolchi uchun kamida 20 million funt sterling (23,4 million yevro) olishga umid qilgan edi.

Romelu Lukaku uchun xaridor topgandan so‘ng, "Napoli" Jezus uchun taklif bilan chiqishi kutilmoqda.

Braziliyalik hujumchining "Arsenal" bilan shartnomasi 2027 yil yozigacha amal qiladi.

Ilgari "Fenerbaxche", "Beshiktosh" va "Milan" ham Jezusga qiziqish bildirgan edi.