«Nottingem Forest» «Sporting» himoyachisi Usman Diomande bilan shartnoma imzolaganini e’lon qildi. 22 yoshli ivuarlik futbolchi bilan kelishuv to‘rt yilga mo‘ljallangan bo‘lib, yana bir mavsumga uzaytirish opsiyasiga ega.

Diomande 2023 yildan beri «Sporting»da to‘p surib kelayotgan edi, u yerda 132 ta o‘yin o‘tkazib, ikki marta chempionlik unvonini qo‘lga kiritdi. O‘tgan mavsumda u jamoasiga Chempionlar Ligasining chorak finaliga qadar yetib borishga yordam berdi. Himoyachi hisobida Kot-d’Ivuar terma jamoasi tarkibidagi 2024 yilgi Afrika Millatlari Kubogidagi g‘alaba ham bor.

«Bu yerda ekanimdan juda xursandman. Bu boy tarixga ega klub va bu meni ruhlantiradi. Ishonamanki, ushbu mavsumda biz juda ko‘p narsaga erisha olamiz», — dedi Diomande «Nottingem Forest» rasmiy saytiga.