"Arsenal"ning 19 yoshli himoyachisi Maylz Lyuis-Skelli Premyer-liganing boshqa gigantlari tomonidan e’tibordan chetda qoldi.
Mirror Football nashrining xabar berishicha, "kanonirlar" futbolchisi "Chelsi" va "Manchester Yunayted"ga taklif qilingan, ammo ikkala klub ham bu taklifni rad etgan. Xabarlarga ko‘ra, "Arsenal" akademiya bitiruvchisini 52,7 million yevro evaziga qo‘yib yuborishga tayyor.
2025/26 yilgi mavsumda Lyuis-Skelli barcha musobaqalarda 36 ta o‘yinda maydonga tushgan va to‘rtta golli uzatmani amalga oshirgan.
Himoyachining Angliya chempionlari bilan amaldagi shartnomasi 2030 yilgacha amal qiladi. Transfermarkt mutaxassislari uni 45 million yevroga baholamoqda.
