"Арсенал"нинг 19 ёшли ҳимоячиси Майлз Льюис-Скелли Премьер-лиганинг бошқа гигантлари томонидан эътибордан четда қолди.

Mirror Football нашрининг хабар беришича, "канонирлар" футболчиси "Челси" ва "Манчестер Юнайтед"га таклиф қилинган, аммо иккала клуб ҳам бу таклифни рад этган. Хабарларга кўра, "Арсенал" академия битирувчисини 52,7 миллион евро эвазига қўйиб юборишга тайёр.

2025/26 йилги мавсумда Льюис-Скелли барча мусобақаларда 36 та ўйинда майдонга тушган ва тўртта голли узатмани амалга оширган.

Ҳимоячининг Англия чемпионлари билан амалдаги шартномаси 2030 йилгача амал қилади. Transfermarkt мутахассислари уни 45 миллион еврога баҳоламоқда.