Turkiyaning «Beshiktosh» klubi ijtimoiy tarmoqlarida jamoaga hujumchi Dushan Vlaxovich transfer qilinganini tasdiqlovchi videoni e’lon qildi.

Avvalroq boshqa manbalar futbolchi uch yillik shartnoma imzolashi va yiliga 8 million yevro (bonuslarni hisobga olganda 10 million yevrogacha) ishlab olishi haqida xabar bergan edi. Vlaxovich «Beshiktosh» safiga erkin agent sifatida qo‘shildi.

O‘tgan mavsumda Vlaxovich «Yuventus» safida 23 ta o‘yinda maydonga tushib, 10 ta gol urdi va 2 ta golli uzatmani amalga oshirdi. Futbolchining bozor qiymati 35 million yevro deb baholanmoqda.