Туркиянинг «Бешиктош» клуби ижтимоий тармоқларида жамоага ҳужумчи Душан Влахович трансфер қилинганини тасдиқловчи видеони эълон қилди.
Аввалроқ бошқа манбалар футболчи уч йиллик шартнома имзолаши ва йилига 8 миллион евро (бонусларни ҳисобга олганда 10 миллион еврогача) ишлаб олиши ҳақида хабар берган эди. Влахович «Бешиктош» сафига эркин агент сифатида қўшилди.
Ўтган мавсумда Влахович «Ювентус» сафида 23 та ўйинда майдонга тушиб, 10 та гол урди ва 2 та голли узатмани амалга оширди. Футболчининг бозор қиймати 35 миллион евро деб баҳоланмоқда.
