«PSJ» bosh murabbiyi Luis Enrike Unai Emeri boshqarayotgan jamoani murabbiylik faoliyatida to‘qqizinchi marta mag‘lub etdi.
Bu 2026 yilgi UEFA Superkubogi uchun bahsda sodir bo‘ldi. Unda Luis Enrike boshchiligidagi «PSJ» Emeri murabbiyligidagi «Aston Villa»ni 2:1 hisobida mag‘lub etdi.
Uchrashuv Zalsburgdagi «Red Bull Arena» stadionida bo‘lib o‘tdi. Bahsni somalilik bosh hakam Omar Abdulqodir Artan boshqardi.
Bunga qadar Luis Enrike Unai Emeri boshqargan jamoalarga qarshi o‘yinlarda sakkiz marta g‘alaba qozongan, uch marta mag‘lubiyatga uchragan va yana bir uchrashuv durang bilan yakunlangan edi. «PSJ»ning Superkubokdagi g‘alabasidan so‘ng Enrikening Emeriga qarshi g‘alabalari soni to‘qqiztaga yetdi.
«PSJ» o‘tgan mavsumda Chempionlar ligasi g‘olibi bo‘lgan edi. Parijliklar finalda Londonning «Arsenal» klubi bilan kuch sinashdi. Uchrashuvning asosiy vaqti 1:1 hisobida yakunlandi, penaltilar seriyasida esa «PSJ» 4:3 hisobida ustun kelib, bosh sovrinni qo‘lga kiritdi.
