«Aston Villa» hujumchisi Emiliano Buendiya UYEFA Superkubogi uchun «PSJ»ga qarshi o‘tkazilgan va 1:2 hisobidagi mag‘lubiyat bilan yakunlangan uchrashuvdan so‘ng fikr bildirdi.
«Mag‘lubiyatning ta’mi achchiq, ammo bugun qanday o‘ynaganimiz bilan faxrlanishimiz mumkin, deb o‘ylayman. Biz juda yaxshi kurashdik. Yaxshiroq natijaga erishishimiz ham mumkin edi. Bizda imkoniyatlar bo‘ldi. Ammo «PSJ» safida yuqori saviyali futbolchilar bor. Ular o‘z imkoniyatlarini qo‘ldan boy bermaydi. Ular gol urdi va o‘yinda g‘alaba qozondi.
Menimcha, biz juda yaxshi kurashdik. Hisobda ortda borayotgan paytimizda vaziyatni o‘zgartirish oson bo‘lmadi. Birinchi bo‘lim oxirida hujumkor o‘ynadik va bir nechta yaxshi vaziyatlar yaratdik. Brayan juda chiroyli gol urdi, shuning uchun tanaffusga o‘z kuchimizga ishongan holda chiqdik. Ikkinchi bo‘limda ham xarakter ko‘rsata oldik», — deya Buendiyaning so‘zlarini UYEFA rasmiy sayti keltirdi.
