«Bavariya» markaziy himoyachisi Kim Min Je «Aston Villa»ning qiziqishlari doirasiga tushdi.

tz ma’lumotiga ko‘ra, Birmingem klubi joriy yoz davomida janubiy koreyalik futbolchining vakillari bilan bir necha bor aloqaga chiqqan. «Aston Villa» o‘tgan hafta ham Kimning transferi imkoniyati yuzasidan murojaat qilgan.

Shuningdek, Angliya Premyer-ligasining yana bir vakili — «Nottingem Forest» ham 29 yoshli himoyachi bo‘yicha so‘rov yuborgan. Biroq manbaga ko‘ra, Kim bu variantni rad etgan.

«Bavariya» esa joriy transfer oynasida Kim Min Dje bilan xayrlashishni rejalashtirmayapti. Myunxenliklar bosh murabbiyi Vensan Kompani ham futbolchining o‘yinidan mamnun.

Kim Min Jening «Bavariya» bilan amaldagi shartnomasi 2028 yilga qadar mo‘ljallangan.