«Бавария» марказий ҳимоячиси Ким Мин Жэ «Астон Вилла»нинг қизиқишлари доирасига тушди.

tz маълумотига кўра, Бирмингем клуби жорий ёз давомида жанубий кореялик футболчининг вакиллари билан бир неча бор алоқага чиққан. «Астон Вилла» ўтган ҳафта ҳам Кимнинг трансфери имконияти юзасидан мурожаат қилган.

Шунингдек, Англия Премьер-лигасининг яна бир вакили — «Ноттингем Форест» ҳам 29 ёшли ҳимоячи бўйича сўров юборган. Бироқ манбага кўра, Ким бу вариантни рад этган.

«Бавария» эса жорий трансфер ойнасида Ким Мин Джэ билан хайрлашишни режалаштирмаяпти. Мюнхенликлар бош мураббийи Венсан Компани ҳам футболчининг ўйинидан мамнун.

Ким Мин Жэнинг «Бавария» билан амалдаги шартномаси 2028 йилга қадар мўлжалланган.