Madridning «Real» klubi bosh murabbiyi Joze Mourinyo «Deportivo»ga qarshi safarda o‘tkazilgan o‘rtoqlik uchrashuvidan (1:0) so‘ng o‘z taassurotlari bilan o‘rtoqlashdi.
«Qirollik klubi» birinchi bo‘lim oxirida Braim Dias tomonidan urilgan yagona gol evaziga g‘alaba qozondi.
«La Ligaga qaytgan jiddiy jamoaga qarshi jiddiy o‘yin bo‘ldi. Doim bir xil futbolchilar maydonga tushishini istamayman. Shuning uchun almashtirishlarni amalga oshirdim va har bir futbolchiga imkoniyat berdim.
Jamoa barcha jihatlarda o‘sib bormoqda. Bu yerda, shunday ajoyib muhitda va o‘yinga jiddiy yondashgan raqibga qarshi maydonga tushish juda yaxshi bo‘ldi», — deya Mourinyoning so‘zlarini Madrid Universal keltirdi.
«Real» 16 avgust kuni Gelzenkirxenda «Shalke 04»ga qarshi navbatdagi mavsumoldi uchrashuvini o‘tkazadi.
