«Manchester Siti»ning niderlandiyalik yarim himoyachisi Tijani Reynders yaqin orada Saudiyaning «Al-Qodisiya» klubida paydo bo‘lishi mumkin. Bu haqda The Athletic xabar bermoqda.

Manbaning xabariga ko‘ra, «Al-Qodisiya»ning asosiy e’tibori ayni damda yangi mavsumning birinchi o‘yiniga qaratilganiga qaramay, Reynders bo‘yicha kelishuv yaqin kunlarda yakunlanishi mumkin. Shu bilan birga, yarim himoyachiga «Nottingem Forest» tomonidan ham qiziqish saqlanib qolmoqda.

Ta’kidlanishicha, Reyndersning «Manchester Siti»dagi kelajagi «o‘rmonchilar»dan Elliot Anderson xarid qilinganidan so‘ng so‘roq ostida qolgan.

«Shaharliklar» Reyndersni bor-yo‘g‘i bir yil oldin sotib olishgan edi. O‘tgan mavsumda u barcha musobaqalarni inobatga olgan holda 47 ta o‘yinda maydonga tushib, 7 ta gol urdi va 8 ta golli uzatmani amalga oshirdi.