«Манчестер Сити»нинг нидерландиялик ярим ҳимоячиси Тижани Рейндерс яқин орада Саудиянинг «Ал-Қодисия» клубида пайдо бўлиши мумкин. Бу ҳақда The Athletic хабар бермоқда.

Манбанинг хабарига кўра, «Ал-Қодисия»нинг асосий эътибори айни дамда янги мавсумнинг биринчи ўйинига қаратилганига қарамай, Рейндерс бўйича келишув яқин кунларда якунланиши мумкин. Шу билан бирга, ярим ҳимоячига «Ноттингем Форест» томонидан ҳам қизиқиш сақланиб қолмоқда.

Таъкидланишича, Рейндерснинг «Манчестер Сити»даги келажаги «ўрмончилар»дан Эллиот Андерсон харид қилинганидан сўнг сўроқ остида қолган.

«Шаҳарликлар» Рейндерсни бор-йўғи бир йил олдин сотиб олишган эди. Ўтган мавсумда у барча мусобақаларни инобатга олган ҳолда 47 та ўйинда майдонга тушиб, 7 та гол урди ва 8 та голли узатмани амалга оширди.