Jijantes FC ma’lumotiga ko‘ra, «Barselona» yarim himoyachisi Tommi Markes Portugaliyaning «Braga» klubidan aniq taklif olgan.
19 yoshli futbolchining atrofidagi vakillar hamda kataloniyalik klub hozirda transferni yakuniga yetkazish ustida ish olib bormoqda. Agar kelishuv amalga oshsa, Markes «Braga»da «Barselona»ning sobiq futbolchisi Pau Viktor bilan yana bir jamoada to‘p surishi mumkin.
O‘tgan mavsumda Markes «Barselona»ning asosiy jamoasiga muntazam ravishda jalb qilib turildi. U fevral oyida La Liga doirasida «Malyorka»ga qarshi uchrashuvda asosiy jamoa safida debyut qildi.
Biroq yangi mavsumda futbolchining asosiy tarkibda rivojlanish imkoniyatlari kamayishi mumkin. Bunga «Barselona»ning «Manchester Siti» yulduzi Rodrini qo‘shib olishga harakat qilayotgani sabab bo‘lmoqda. Ispaniyalik yarim himoyachi transfer qilinsa, klubning shundoq ham kuchli bo‘lgan markaziy chizig‘ida raqobat yanada oshadi.
Bundan tashqari, «Barselona» bosh murabbiyi Xans-Diter Flik asosiy jamoaga «La Masiya»ning yana bir tarbiyalanuvchisi Brian Farinyasni olib chiqishni afzal ko‘rmoqda.
