Jijantes FC маълумотига кўра, «Барселона» ярим ҳимоячиси Томми Маркес Португалиянинг «Брага» клубидан аниқ таклиф олган.

19 ёшли футболчининг атрофидаги вакиллар ҳамда каталониялик клуб ҳозирда трансферни якунига етказиш устида иш олиб бормоқда. Агар келишув амалга ошса, Маркес «Брага»да «Барселона»нинг собиқ футболчиси Пау Виктор билан яна бир жамоада тўп суриши мумкин.

Ўтган мавсумда Маркес «Барселона»нинг асосий жамоасига мунтазам равишда жалб қилиб турилди. У февраль ойида Ла Лига доирасида «Мальорка»га қарши учрашувда асосий жамоа сафида дебют қилди.

Бироқ янги мавсумда футболчининг асосий таркибда ривожланиш имкониятлари камайиши мумкин. Бунга «Барселона»нинг «Манчестер Сити» юлдузи Родрини қўшиб олишга ҳаракат қилаётгани сабаб бўлмоқда. Испаниялик ярим ҳимоячи трансфер қилинса, клубнинг шундоқ ҳам кучли бўлган марказий чизиғида рақобат янада ошади.

Бундан ташқари, «Барселона» бош мураббийи Ханс-Дитер Флик асосий жамоага «Ла Масия»нинг яна бир тарбияланувчиси Бриан Фариньясни олиб чиқишни афзал кўрмоқда.